التنعیم فی علوم الحدیث

قرآن کریم اللہ تعالیٰ کی طرف سے آپﷺپر نازل کی گئی آخری کتاب ہے اور یہ کتاب ہدایت وانقلاب ہے،اس کی باتوں کی وضاحت آپﷺ کے ذمہ لگائی گئیں، اس سے معلوم ہوا کہ قرآن کریم کو سمجھنے کے لئے آپﷺ کی تعلیمات کی طرف رجوع کرنا بے حد ضروری ہے، آپ ﷺ کی تعلیمات کو سمجھے بغیر قرآن کریم کے فہم کا حصول بھی محال ہے، آپ ﷺ کی تعلیمات کو کماحقہ سمجھنے کے لئے آپﷺ کی تعلیمات جو آپﷺ کی سنت اور حدیث کی صورت میں ہمارے پاس موجود ہیں ،ان کا فہم بھی لازمی جزو ہے ، آپ ﷺ کے اقوال اور افعال کو علی وجہ الکمال سمجھنے کے لئے ان کے متعلقات کا فہم لازم و ملزوم ہے ، یہ کتاب حدیث مبارکہ سے متعلقہ تمام أمور کے فہم میں موثر ثابت ہو گی( انشاء اللہ) ، اللہ تعالیٰ سے دعا ہے کہ اس علمی کاوش کو وسیلہ ظفر بنائے ۔
میں اللہ تعالیٰ کی عظمت اور شان والی ذاتِ پاک کی تعریف بجا لاتا ہوں، جس نے ہمیں اس عظیم کام کی طرف قدم اٹھانے کی سعادت نصیب کی اور اس کام کی تکمیل میں پیش آنے والی مشکلات کو سہل کیا اور قدم قدم پر آسانیوں والا معاملہ فرمایا۔